الإلتهاب الرئوى عند الأرانب

الإلتهاب الرئوى عند الأرانب ***
/////////////////////////////////////////
-
-
احد مسببات ميكروب الباستريلا وهو تطور لعدم علاج الزكام المعدى ، ولانه مرض خطير عامل زى الحرامى بيخطف الارنب مرة واحدة
احب اوضح الأعراض اللى شفتها اثناء شغلى:

1. فى نوع بتلاقى اعراضه مفيش رشح بس فى صوت عالى عبارة عن قرقعة فى الصدر ( عامل زى صوت الشيشه )، ده سببه ان فى بلغم على الصدر.
2. نوع تانى عبارة عن رشح وكتمه فى النفس ولما نحط الودان على صدر الارنب بنلاقى ان صوت حركة الرئه متغير كانه مخنوق مش عارف يتحرك والنوع ده من غير صوت.
3. فى حاجة ممكن نلاحظها كمان ان اول منلاقى الارنب مش بياكل لو مفيش اى اعراض تانيه زى جرب او اسهال نشك على طول فى الالتهاب الرئوى.
4. لو لاقينا ارنب خاسس وظهره سلسل وفجاة اخد يخبط ويتنر هنال وهناك فى البطاريه تعرف انه التهاب رئوى.

وعشان نتاكد من كده

نعمل تشريح للارنب بالذات منطقة الصدر ولما نفتح هنلاقى ان فى تجبنات على الصدر شاغله المكان الخاص بالتجويف الصدرى حول الرئة وده الللى بيسبب اختناق للارنب واللى بيخليه فى الاواخر بيفتح بقه عشان يتنفس، لان التجبنات بتشغل المكان اللى الرئة بتنبسط او تتفرد فيه لما بتتملى بالهوا فى عمليه الشهيق فلما ياخد الارتب شهيق بتلاقى الرئة ان مفيش مكان تتفرد فيه فبتعمل زفير و مع زيادة المرض بيزداد التجبنات و طبعا بتقل حركه الرئة اكتر وده يسبب اختناق للارنب فبنلاقيه لما يوصل للمرحله دى انه بيخبط فى كل مكان فى البطاريه بحثا عن الهوا وبعد كده بيموت بسبب الاختناق طيب ده بالنسبه للاعراض ازاى نعالج بقى... ؟

العلاج :
1. طبعا الوقايه خير من العلاج بمعنى مهملش فى علاج البرد اللى موجود
2. مهملش فى النظافة خصوصا الناس اللى بتنظف كل فتره عشان الامونيا متاذيش الارنب لانه اصلا مش عارف يتنفس مجيش انا وا خنقه اكتر
3. نخلى بالنا من التهوية و ماعيد قفل وفتح الشبابيك خصوصا فى الايام اللى فيها هوا شديد
4. بالنسبه للعلاج هقول لكم على الطريقة اللى بتنفع معايا ندى للارنب 3 سم طارد بلغم ( اكسبكتيل او توبلكسيل والاتنين بشرى ) وده عشان اسحب التجبنات اللى حوالين الرئة وبعدين ادى مضاد حيوى طويل المفعول او جنتا او انروفلوكس عشان اقتل البكتريا المسببه للمرض ولازم اهتم بمواعيد تحصين البكتيرى لانها بتخفف شويه من البكتريا المسببه للمرض.

ملاحظات : * جايز الطريقة دى تطول شويه لكنها فعاله

* لو كان الارنب فى مرحله متاخرة اخلى بالى وانا باديله طارد البلغم عشان ده ميخليش المعدة تتملى وبالتالى تضغط بالحجاب الحاجز على الرئة مما يسبب النفوق السريع للارنب

منقول]

[ندعوك للتسجيل في المنتدى أو التعريف بنفسك لمعاينة هذه الصورة]

» الزكام المعدى والإلتهاب الرئوى عند الارانب
» طرق وأماكن حقن الأرانب
» أسس اختيار سلالات الأرانب
» كيف تستفيد من فضلات الأرانب