تجمع انا ماما لأول مره وقلبي مليان بالفرحه يارب عقبالكم

يا بنات هنا تجمع خاص بكل الامهات اللي اول مره يكونو ماما وطبعا بنبقي خيفين اوي البيبي لو مغص شويه والا حرارته زاد والا لما يعيط وانتي مش عارفه ايه السبب
اولا الرضاعه الطبيعية
دي موال تاني
اهم شيء لزم تخدو بالكم كويس من الغذا لزم تكلو كويس وتشربو سؤائل كتير قبل الرضاعه والميه ولزم وغصب عنا شرب الحلبه واكل جرجير ولزم نشرب مغات دي بقي تحفه ولزم كمان ناخد بالنا من اكل كل شيء يعلي الحديد في اجسمنا عشان بعد الولاده بيقل الهيموجلوبين يبقي عليكي باكل عسل اسود وتحطي علي الحلبه الحصي وتشربي بالف هنا وشفي
وكمان تجيبي من اول يوم في الولاده شفاط للبن عشان اللبن يجري في صدرك وكمان بعد كل مره تعصير او تشفيط او رضاعه تغسلي درك كويس وتنشفيه وكمان تعملي كمدات ميه سخنه علي صدرك في الايام الاولي لتفتيح العروق واللبن يجري ويزيد بأذن الله
اه نسيت اقولكم اني ماما من26يوم ومهند اول بيبي ليا وبخاف اوي خصوصا انو مبتسر ووحجمه صغير اوي والدكتور كتبلو علي لبن صناعي اسمو ابتاميل1 ورضعته صغيره اوي ولزم يتابعه مره كل اسبوع عشان يقيس طول ووزن مهند واكيد كلكم بتعملو كدا

ثانيا درجة حرارة البيبي
خدو بالكم كمان ان درجة حرارة البيبي بتبقي اعلي من حرارة جسمك شوية فبلاش تتحضي اوي حطي الترموتر تحت باط البيبي ل3دقائق وتشوفي الحراره زودي عليها نص درجة تبقي دي الحراره الفعليه للبيبي لو لقيتيها اعلي من37.5يبقي تروحي بسرعه للدكتور اللي بتبعي معاه حالة البيبي

ثالثا للتسلخات
بالنسبه بقي للتسخلات لزم تستخدمي زينك كريم للبيبي دا بيبقي حلو اوي للمنطقة اللي بتحطي عليها البامبرز ولزم طبعي ننظف البيبي كويس لما نغير البامبرز عشان الحاجات دي لا تفضل علي جلد البيبي بتلهب جلدو جدا تجيبي قطنة مبلوله ميه دافيه وتنظفيه كويس وبعدين قطنة نشفه وتنشفي بيها المكان كويس جدا وبعدين تدهني البيبي زينك وتلبسي االبيبي البامبرز وبعدين باقي هدومه

رابعا سرة البيبي
دي لزم تحطي عليها سبرتو بقطنة صغيره بليها سبرتو ونقطي بيها علي السره من كل نحيه وحاولي تخدي بالك ان السبرتو او الكحل دا ما يجريش علي جلد البيبي هي منطقة السرة بس

خامسا ازاي تحمي البيبي
البيبي بيبقي صغير ولسه عظمه طري وممكن يتلوح منك او بعد الشر ياخد برد طب نعمل ايه اقولكم حاجه سهله وبسيطه اوي جيبي طبق صغير اوي بلاستك حطي فيه ماء دافي تتحمله ايدك حطي شوية شامبو بتاع البيبي شاور بتاع جونسون وجيبي قطنة او سفنجة استحمام البيبي وتدخلي الاوضه اللي فيها البيبي وتتاكدي ان مافيش هواه او اي زجاج او شباك او بلكونة مفتوحه واقفلي باب الاوضه وتكوني محضره ملابس نظيفه للبيبي تحطي البيبي امامك علي السرير وتخلعي من عليه ملابسه بشويش اوي حطي البيبي علي فوطة فوق السرير بلي السفنجه ميه من الطبق وامسحي راسه وجسمه مجرد مسح بلاش تغرقيه ميه وتنشفيه بالفوطه علي طول وبعد كدا تلبسيه هدومه النظيفه كل دا مش هياخد غير خمس دقائق والبيبي بأذن الله مش هيبرد ولا هيتملخ منك

[ندعوك للتسجيل في المنتدى أو التعريف بنفسك لمعاينة هذه الصورة]

» فكرة صغيييرة من ماما...
» تجمع الغاليات المتأخرات عن الحمل
» ناديت وقلبي::فرقة طيور الجنة
» يارب نور لي دربي
» مجلة منتدى مسلسلات تركيه..اكبر تجمع عربي