[center]
اما هذه القصيده فهي من كتابة شخص كان عاقاً لأمه
وعندما شاب وكبر ابنائه اصبحوا عاقين كما كان
فذهب الى امه نادماً يعتذر عن مابدر منه، فقد ذاق ما أذاق امه في السابق
ولكن فات الاوان
لأن امه قد ماتت ..
يايمه منتهي جيتك
المنشد: فهد مطر -- البوم حرمان [الوجد2]
يايمه منتهي جيتك وطالب منك الغفران
اقبل قاعت اقدامك واغسلها بدمعاتي
يا يمه كل مافيني يناديلك انا ندمان
طلبتك قولي سامحتك وردي لوجهي بسماتي
انا ادري قلبك الطيب كسرته بصدمة النكران
غلطت وغلطتي هذي تعيّر كل غلطاتي
تشوفي الشيب يا يمه ترى ماجاء وانا فرحان
وربي اللي رفع ذاتك ونزل للردى ذاتي
فقدت الراحه من بعدك فقدت الطيبه والتحنان
بدونك راحتي غايه بإيدينك هذي راحاتي
انا بعدك ولا حاجه انا بعدك ترى عميان
اشوف ولا اشوف اللي يوريني مساراتي
انا وسيد الشقا والهم من بعدك غدينا اخوان
يجيب هموم هالعالم ويرميها بمتاهاتي
صدقتي يوم قلتي لي تدين اليوم بس تدان
رميتك في بداياتي ورموني في نهاياتي
انا من شالك بيده ورماك باسفل البركان
نخيتيني وطلبتيني ولا حصلتي نخواتي
مثل ماهنتي بعيوني عليهم قلبي يمه هان
رموني وضعفهم فزعه وانا الدمعات فزعاتي
يايمه لا تظنيني انا من فعلهم زعلان
سواةٍ فيك سويته وسوو فيني سواتي
يا يمه يالله ضميني ودفيني بهالاحضان
انا ادري فيك مشتاقه وهمك بس ملاقاتي
يا يمه حيل ضميني ابي ارتاح انا تعبان
تعبت اهرب من ذنوبي ابيك آخر مسافاتي
ابسمع منك اي كلمه لصوتك مسمعي ولهان
ابسمع يمه بصوتك ابذكر فيها نشواتي
اشوفك ساكته يمه غفيتي ولا انا غلطان
غفيتي يا بعد عمري تعبتي من مواساتي
يا يمه طالبك قومي اذا لي في عيونك شان
اشوف الموت بعيونك عساها تخيب هقواتي
تعالوا يا بشر شوفوا انا محتار انا تلفان
انا امي مدري وش فيها انا مدري انا احاتي
اكيد امي انا ماتت لا لا لا ترى غلطان
انا امي ما تخليني على حزني ووناتي
انا امي قلبها طيب ولا يمكن تبكي انسان
انا امي ما تبكيني ولا تتمنى اهاتي
يا يمه صح مامتي ؟ وصح الموت تو ما حان
اذا متي انا بعدك ابقضى وين ساعاتي
يا يمه قومي يا يمه وقولي الموت لا ماكان
انا جيتك وانا ناوي اببدأ فيك جناتي
تركتيني ومتي ليه تركتيني وانا غرقان
ولا مسموح يا وليدي ولا تلعنك لعناتي
انا الجاني وانا المجني وانا المخطي وانا الندمان
انا بيدي رميتك ايه وبعثرتي ملفاتي
وجيت من الهنا مفلس وقلبي من الضنا خسران
تركتيني على ناري اعدد فيك زلاتي
ولاني مرضين ربي ولاني تابع الشيطان
انا بعدك ترى مابين نهاياتي وبداياتي
انا ادري قلبك الطيب كسرته بصدمة النكران
غلطت وغلطتي هذي تعيّر كل غلطاتي
تشوفي الشيب يا يمه ترى ماجاء وانا فرحان
وربي اللي رفع ذاتك ونزل للردى ذاتي
الرئيسية
موضوع: امك ثم امك ثم امك قصيدة رائعة 
الجمعة 18 نوفمبر - 21:56
