فصتي مع الجرذي ( ذكريات طفولة )

. عدد المساهمات : 512 تاريخ التسجيل : 27/10/2011

ايام الابتدائية وكان عمري تقريبا 9 سنوات
طلبوا من اهلي اجيب لهم صندوق بيبسي
ايام ما كانت القارورة بنص ريال<< بيهضمون العشاء
من البقالة اللي في اخر الحارة << كانت مجمع لشباب الحارة واصدقاء اخوي الكبير
طبعا كنت لابس ثوب وحافي كالعادة
و الصندوق كان ثقيل وطلبت من اخوي اللي عمره 7 يساعدني
ونحاول في ذا الصندوق الاصفر مرة نسحبه ومره ندفه اهلكنا
عاد انا ابوالافكار قلت نبي حبل نربط الصندوق ونسحبه اثنينا !!
بس وين نلقى حبل
المهم انا ادور يمن يسار لقيت كرتون مقلوب وكنت معصب وقمت شت الكرتون كنه كوره برجلي
واقتلب الكرتون و لاصق في ثوبي << الا تحته فيه جرذي صايدينه بصمغ
و يتعلق ذا الجرذي بصمغه بكرتونه بثوبي انا مادريت وخرت الكرتون اللي تعلق فيني و الجرذي وينه ؟؟
لاصق في وسط ثوبي انا ارتعت اركض لاخوي واقوله وخره اسحبه واخوي شافني اركض لجهته وهو ينحاش ويدور وانا وراه والشباب عند بقالة صعفق اليماني يطالعونا ويضحكون
انا اركض والجرذي يتحرك في وسط ثوبي واحاول اطيحه واخوي ينحاش
واصرخ واسب واشتم الا شويات والجرذي فك عمره و طاح وانحاش واخوي رجع للبيت وسكر الباب والشباب فاطسين علي ضحك و اجلس اسوى نفسي عادى ومرتاح
و اسحب الصندوق << صار صندوق الكنز حق سليفر
و اغيره من البقالة واسمع التعليقات من الشباب
وارجع للبيت وانا منحرج ومتفشل واخوي علم اهلي وكانوا عند الباب ينتظروني ادخل
و كملوا الناقص والشماتة والفشيلة
واخذ ميرندا فراولة بارد واروح لغرفتي و انسدح تحت سريري وانا متفشل وانام والميرندا بيد وعصى مكنسة بيد خايف يجيني الجرذي ويعضني وكانت ليلة واحلام كلها كوابيس
مايستفاد
اذا قالوا لك اهلك اشتر لنا قول لهم عطوني مفتاح السيارة
ثاني اشكر الجميح وشركة بيبسي انهم الغوا الصندوق الاصفر اللي عقدني في حياتي
ثالثا بروح انام والعقدة شكلها رجعت لي

.

. عدد المساهمات : 1703 تاريخ التسجيل : 13/10/2011

[ندعوك للتسجيل في المنتدى أو التعريف بنفسك لمعاينة هذه الصورة]

سلم لنآأ مدآد فكرك الرآأإقي ."ْ
طآأإب لي المكوث بين طيآأإتك العطره ."ْ
أكليل من الورد ل روحك ."ْ
وفيض من الود ل طهر قلبك ."ْ
تحياتي ."ْ