الطريق

انا انهارده هفوق
هاعيش حياتي واروق
لازم اعيش من غير جراح
وانسي الي فاتني وكل الي راح
ايه بس يمنعني
اني احس ضحكتي .... او حتي اقهقه في وقت فرحتي
انا هكتم اهاتي ........ وهمسح اكيد دمعتي
وهرجع لعهد زمان
نسيت ولا ايه .....
نسيت ياقلبي الي كان
لا حد ياسي علي ....ولا اغير علي انسان
فاكر ياواد ايام زمان
ايام شقاوتك وفرحك وشغل الجنان
ولعب الكوره ومعاكساتك لبنت الجيران
فقفق كدا وروق...
فككك ياعم خلاص ارجع بقه وفوق
مخمخ كدا وقلي
...... ازاي........
حزني اعدي عليه.... واوصل لبر الامان
صحيح لحد الان.... مالقيتش نقطة حنان
والبحر عارفه قريب ..وكمان انا عطشان
طب شوف بقه قضيتك وبص بالمنظار
ودقق كمان وكمان .. ما تقفش كدا محتار
انا خرايطي غلط ...
لازم اعيد تفكيري
دا البوصله باظت في ايدي
والنار بتحرق لهيبي

وتعبت ...
وف دنيا غريبه..لاقيت نفسي تهت
كانت كل حاجه في ايدي و بعدين غبت
وروحت لبعيد لبعيد لظلام مديد ومديد
لاقيت روحي غريب
لا حب جانبي و سبت الصديق والقريب
لا عارف افرح ولا اضحك
ولا حتي انزل دموع
ولازم تقولي يا عقلي
ازاي اقيد الشموع
ازاي انور طريقي ... وارجع اجيب الحياه
هفوق انا من خيالي ... وانسي الي قلبي جناه
وارجع لروحي وجنينتي
وازرع ورودي واصلح سفينتي
هقرب من الصحاب
وازور القريب والي غاب
وهضحك وهرقص واغني ...
ولا حد في الدنيا هيقدر يزعلني
وبدل ما حب واحد هحب كتير
بحب بسمه طفل وشيخ الكبير
بحب ضحكه في عيون الصغير
وبحضن قرايبي وجيراني
ومن انهارده ما بقيش وحداني
والحب مش لواحد ما بقيتش خلاص اناني

خلاص بقيت قبطان
اهوه ... لاقيته
لمحت بحر الحنان
رميت الهم والاحزان
وصلت ...
وصلت اخيرا لبر الامان

ماشاء الله كلام جميل
اشكرك على ذلك